O Equipo de Normalización e Dinamización Lingüística do Colexio AMOR DE DEUS basea a súa actuación no Plan de Normalización Lingüística e no Plan específico para o ensino en lingua galega elaborados ao comezo de cada ano escolar. Tendo en conta o documento de Planificación Sociolingüística do Colexio que recolle como obxectivo xeral que “os rapaces teñan ao final de cada unha das etapas educativas que atravesan a mesma competencia nas dúas linguas, tratando de acadar un equilibrio entre as dúas e fomentando o plurilingüismo como modelo idóneo de aprendizaxe”, deséñanse unha serie de actividades encamiñadas á consecución dos obxectivos sinalados nos Plans.
Os membros que forman parte do ENDL desexan compartir con compañeiros, alumnos e familias unha serie de premisas sobre o galego:
- que é lingua propia de Galicia
- que debe ter iguais dereitos có castelán
- que está nunha situación minorizada e necesita un plus
- que serve para ensinar outras materias
- que se pode traballar pola súa normalización dende todos os ámbitos
- que buscar a normalización do galego non significa impoñer o seu uso...
