Proxecto 112 E. Infantil
PREME NA IMAXE PARA VER MÁIS
En Infantil estamos a rematar o proxecto "Emerxencias 112". Un proxecto onde coñecemos mellor como funcionan as emerxencias, que perigos podemos atopar na escola, na casa ou na rúa e como é un hospital. Tamén afondamos no corpo humano e aprendemos as partes principais do corpo, algúns dos ósos máis importantes e órganos internos vitais.
Como remate do proxecto, hoxe tivemos a sorte de ter a visita dos nosos amigos da Cruz Vermella de Ourense, que nos fixeron participar nun simulacro de emerxencia desde o momento do accidente ata que o ferido foi levado ao hospital.
Dende aquí queremos agradecer a Cruz Vermella Ourense a súa colaboración.